Booker T. Washington

Booker T. Washington
persoanlike bysûnderheden
echte namme	Booker Taliaferro Washington
nasjonaliteit	Amerikaansk
berne	5 april 1856
berteplak	Hale's Ford (Firginia)
stoarn	14 novimber 1915
stjerplak	Tuskegee (Alabama)
etnisiteit	Afro-Amerikaansk
wurkpaad
berop/amt	ûnderwizer, bestjoerder
aktyf as	polityk aktivist, publisist
jierren aktyf	1881 – 1915
reden   bekendheid	syn ynset foar de maatskiplike    foarútgong fan 'e Afro-    Amerikanen
bekendste   wurk(en)	Up from Slavery The Story of the Negro

Booker T. Washington (folút: Booker Taliaferro Washington; Hale's Ford (Firginia), 5 april 1856 – Tuskegee (Alabama), 14 novimber 1915), wie in Amerikaansk polityk aktivist, publisist, ûnderwizer en steatsman fan Afro-Amerikaansk etnysk komôf. Hy wie de lêste fan in generaasje swarte lieders dy't as slaaf berne wiene yn it Amerikaanske Suden fan foar de Boargeroarloch, en hy sette fral swier yn op better ûnderwiis foar syn folk. Nei de dea fan Frederick Douglass, yn 1895, wie Washington oan syn dea ta tweintich jier lang de wichtichste foaroanman fan de Afro-Amerikanen yn 'e Feriene Steaten. By syn libben stied er oan krityk bleat om't er in tuike-tuikepolityk fan oerlis en kompromissen foarstie; nei syn ferstjerren namen de lieders fan 'e swarte mienskip oer it algemien in militantere hâlding oan.